ABŞ Prezidenti Donald Tramp İranın münaqişənin həlli ilə bağlı təqdim etdiyi 10 bəndlik təklif paketini yetərli hesab etməyib.

“Qafqazinfo” xəbər verir ki, Ağ Ev rəhbəri Tehranın vasitəçilər vasitəsilə göndərdiyi cavabın əhəmiyyətli olduğunu, lakin mövcud tələbləri tam qarşılamadığını bildirib.
Tramp jurnalistlərə açıqlamasında qısa olaraq “kifayət qədər yaxşı deyil” deyərək narazılığını ifadə edib. Prezident həmçinin vurğulayıb ki, İranla razılığa gəlmək üçün əvvəlcədən müəyyən edilmiş 7 aprel tarixi son möhlət olaraq qalır.

Qeyd edək ki, fevralın 28-də ABŞ və İsrailin İrana qarşı başlatdığı hərbi əməliyyatlardan sonra regionda vəziyyət kritik həddə çatıb. İran cavab olaraq İsrail və ABŞ bazalarına zərbələr endirib, həmçinin dünya neft daşınmasının 30%-nin keçdiyi Hörmüz boğazını bağlayıb.

Məlumat üçün bildirək ki, hazırda Pakistan, Misir və Türkiyənin vasitəçiliyi ilə 45 günlük müvəqqəti atəşkəs rejimi müzakirə olunsa da, tərəflər arasında kəskin fikir ayrılıqları qalmaqdadır.